“Грандмед” эмнэлгийн дурангийн кабинетийн мэргэшсэн туршлагатай дурангийн эмч, сувилагч нар хоол боловсруулах замын эрхтэн тогтолцооны эмгэгүүдийн үеийн оношилгоо, эмчилгээг үйлчлүүлэгчийн аюулгүй байдал, тав тухыг хангасан орчинд найдвартай, сэтгэлд нийцсэн тусламж үйлчилгээг үзүүлэхийн төлөө ажиллаж байна.

Дурангийн өрөө нь Ариутгал халдваргүйжилтийн тусгай хэсэгтэй бөгөөд стандартын дагуу “Оношилгоо эмчилгээнд хэрэглэгдэх дуран, түүний дагалдах хэрэгслийг угаах, халдваргүйжүүлэх, ариутгах заавар”-ыг мөрдөн сүүлийн үеийн озон кварцтай дуран хадгалах шүүгээ, бүрэн автомат дурангийн угаалгын машинаар өндөр түвшний халдваргүйжүүлэлт, ариутгалыг хийж гүйцэтгэдэг.