“Грандмед” эмнэлэг нь Монгол Улсын барилгын салбарт тэргүүлэгч “Жигүүр Гранд Групп”-ийн 100% хөрөнгө оруулалтаар 2009 онд анх ашиглалтад орж өнөөг хүртэл 16 жил тасралтгүй үйл ажиллагаа явуулж ирлээ. Энэ түүхт хугацаанд Олон Улсын стандартад нийцсэн шилдэг, чанартай, аюулгүй эрүүл мэндийн оношилгоо, эмчилгээ, үйлчилгээг иргэддээ хүргэж Монгол улсдаа төдийгүй Дэлхийд хүлээн зөвшөөрөгдсөн хувийн эмнэлэг болж чадлаа.

Энэхүү хугацаанд Монгол Улсын эрүүл мэндийн салбарт “Грандмед” эмнэлгийн оруулсан онцлох амжилт бүтээлийг дурдвал: 

• 2012 оноос Монголдоо анх удаа “Нурууны диск солих”, “Нуруу нугалам ясны хугарлын бэхэлгээ”, “Вертебропласти”, “Нугасны хавдар авах”, “Хүзүүний диск солих” зэрэг нарийн төвөгтэй бичил мэс заслыг нэвтрүүлж Монголд эмчлэх боломжгүй өвчний жагсаалтад багтаж байсан “Мэдрэлийн ёзоорын дарагдал” өвчнийг мэс заслын аргаар эмчлэх шинэ технологийг амжилттай нутагшуулсан.
• 2016 оноос өнөөг хүртэл Монгол улсынхаа нийслэл Улаанбаатар хотын Хан-Уул дүүргийн бүх хорооны иргэдэд эрүүл мэндийн даатгалаар хэвлийн хөндийн яаралтай мэс заслын үйлчилгээг тасралтгүй 9 жил үзүүлсэн.
• 2018 оноос Нурууны дурангийн шинэ мэс заслыг амжилттай нэвтрүүлж нутагшуулсан Дэлхийн 4 дэх улс, 2020 оноос Хүзүүний дурангийн мэс заслыг амжилттай нэвтрүүлж, нутагшуулсан Дэлхийн 2 дахь улс болж Олон улсад хүлээн зөвшөөрөгдөж эхэлсэн. Одоогоор 9000 гаруй нурууны бичил мэс заслыг Монголынхоо иргэд болон Гадаадын иргэд үйлчлүүлэгч нарт амжилттай хийж гүйцэтгээд байна. - Ийнхүү АНУ, БНСУ, БНЭУ, Япон, Тайвань зэрэг дэлхийн өндөр хөгжилтэй орнуудын нурууны дурангийн мэс заслын Олон улсын эрдэм шинжилгээний хурлуудад “Сургагч багш”-аар уригдаж лекц уншин, дадлага удирдаж эхэллээ. “Грандмед эмнэлэг” нуруу, нугасны бичил мэс заслаар дэлхийд тэргүүлэн үнэлэгдэж байна.

• 2024 онд Дэлхийн Нурууны дурангийн мэс заслын холбооноос Олон Улсын хэмжээнд сонгогдсон шилдэг “Сургагч Багш”-аар Монгол Улсаас анх удаа “Грандмед” эмнэлгийн нуруу нугасны мэс заслын хамт олон дотроос эмч Бабаны Нурбек шалгарч итгэмжлэгдсэн.
• КОВИД-19 цар тахлын үед нийслэл Улаанбаатар хотын хэмжээнд Улсын Хоёрдугаар төв эмнэлэг болон Хувийн хэвшлийн эмнэлгээс зөвхөн “Грандмед” эмнэлэг яаралтай мэс заслын тусламж үйлчилгээг 24 цагаар түргэн шуурхай стандартын дагуу, эрсдэлгүй аюулгүй үзүүлж 2300 гаруй иргэдэд мэс засал эмчилгээг тус тус амжилттай хийж хөл хорионы үеийн хүнд ачааг нуруундаа үүрч улс орныхоо өмнө хүлээсэн үүргээ нэр төртэй биелүүлж чадсан. Манай эмнэлгийн хамт олон Короновирусын халдварын эсрэг халдвар хамгааллын дэглэмийг чанд мөрдөж, эрч хүчтэй, нэгдмэл, манлайлж ажиллаж чадсан нь бахархууштай үйл хэрэг байлаа. “Грандмед” эмнэлэг цаашид Олон улсын стандартад нийцсэн “НУРУУ НУГАСНЫ МЭС ЗАСЛЫН ОЛОН УЛСЫН ТӨВ” байгуулах зорилт тавин ирээдүйн хөгжлийн чиг хандлагаа тодорхойлон ажиллаж байна.