Нэгдүгээр сарын арван гурван буюу Монгол Улс Шинэ Үндсэн хуулиа баталсан түүхт 30-н жилийн ойн өдөртэй давхцан “Грандмед” эмнэлэг Чанарын менежментийн тогтолцоо ISO 9001:2015 стандартыг амжилттай нэвтрүүлж, Стандарт хэмжилзүйн газраас баталгаажуулалтын гэрчилгээг 3 жилийн хугацаатайгаар эмнэлгийн тусламж үйлчилгээний “ҮЗЛЭГ, ОНОШИЛГОО, ЭМЧИЛГЭЭ”-ний чиглэлээр гардаж авсан нэр хүндтэй өдөр тохиож байна.

Цаашид “Грандмед” эмнэлэг олон улсын стандартад нийцсэн эрүүл мэндийн оношилгоо, эмчилгээ, үйлчилгээг иргэн бүрд чанартай, шуурхай хүргэж үйлчлүүлэгч төвтэй эмнэлгийн тусламж үйлчилгээг бий болгон хөгжүүлэх эрхэм үүргээ өндөр хариуцлагатайгаар биелүүлж ажиллах болно.

“Грандмед” эмнэлгийн удирдлага (ТУЗ) болон нийт эмч, сувилагч, эмнэлгийн хамт олондоо баярлалаа. Ажлын амжилт хүсье!